Aucuns vont souvent - Amor qui cor vulnerat - Kyrie eleison

Aucuns vont souvent
Par leur envie mesdisant
D'amours, mes il n'est si bonne vie
Com d'amer loiaument;
Quar d'amours vient toute courtoisie
Et tout honour et tout bon ensegnement.
Tout ce puet en li prouver, qui amie
Veut faire sans boisdie
Et amer vraiement,
Que ja en li n'iert assise vilanie
Ne couvoitise d'amasser argent.
Ains aime bonne compaignie
Et despent adés largement;
Et si n'a en li felonnie
N'envie sus autre gent,
Mes a chascun s'umelie
Et parole courtoisement.
S'il a du tout sans partie
Mis son cuer en amer entierement;
Et sachiés, qu'il n'aime mie,
Ains ment, s'il se demaine autrement.