Hinter Diar

Wenn du ned weisch, was vor dir liit
Und t Sunne ned dur de Nebel schiint
Wenn du en Weg gosch, wod ned kensch
Alls isch neu und alls isch fremd

Und du dir denn ned sicher bisch
Ob was du machsch, au richtig isch
Stosch du allei im Gegewind
Wo alli geg di sind

Denn stohn ich hinter diar
Luege, dass nüt passiert
Fang di uf, wenn du gheisch
Wenn du ned wiiter weisch

Denn stohn ich hinter diar
Luege, dass nüt passiert
Du chasch dich druf verloh
I bin immer für di doh
Hinter diar

Wenn du angst vorm Flüge hesch
Und glich zur Sunne stiige wötsch
Mit allem Muet duesch t Flügel uf
Und luegsch no eimol zrug

Denn stohn ich hinter diar
Luege, dass nüt passiert
Fang di uf, wenn du gheisch
Wenn du ned wiiter weisch

Denn stohn ich hinter diar
Luege, dass nüt passiert
Du chasch dich druf verloh
I bin immer für di doh
Hinter diar

(Hinter diar)

Chunt vo vorne her en Sturm
Drei di eifach um

Denn stohn ich hinter diar
Luege, dass nüt passiert
Fang di uf, wenn du gheisch
Wenn du ned wiiter weisch

Denn stohn ich hinter diar
Luege, dass nüt passiert
Du chasch dich druf verloh
I bin immer für di doh
Hinter diar

(Hinter diar)