Yugto

Oh-oh, oh, oh, oh
Oh-oh, oh, oh, oh

Sa gitna ng kagubatan, may ahas na hahalik
Tatawagin kang kaibigan na pinakamatalik
Pupulupot sa leeg mo't sisipsip ng iyong dugo
Ipapako ka sa krus kapag ikaw ay natuyo

Sa gitna ng kaguluhan, may kumukulong bulkan
'Di mapigil ang yabang at sakdal na kasakiman
Susubukang angkinin ang lahat ng hindi kanya
Kung kaya kang paikutin, tiyak paiikutin ka

Ngunit hindi nila kayang baliin ang iyong loob
Ang pag-ibig na hawak mo'y hindi malulubog

Lumiyab ka
Lumiyab

Oh-oh, oh, oh, oh
Oh-oh, oh, oh, oh

Sa gitna ng kadiliman, may buwitreng nagmamasid
May magbabato ng putik, ngunit walang mayayanig
Iiyak ang mga batang nahulugan ng kendi
Lalo na ang mga problema, sa iba sinisisi

Sa gitna ng kagubatan, may ahas na hahalik
Itinuring mong kaibigan na pinakamatalik
Leeg mo'y pupuluputan, dugo mo'y sisipsipin
'Pag wala ka nang pakinabang, ang ending mo ay sa bangin

Ngunit hindi nila kayang baliin ang iyong loob
Ang pag-ibig na hawak mo'y hindi malulubog

Lumiyab ka
Lumiyab, lumiyab

Tuwing hating-gabi, maririnig mo ang huni
Ng mga kalul'wang naliligaw
Lahat ng pera sa mundo, hindi kayang gawing ginto
Ang huwad na tao

Ang mga tinig, palakas nang palakas
Hanggang gumuho ang mga hadlang
Ang mga tinig, palakas nang palakas
Hanggang gumuho ang mga hadlang

Saksi ang langit sa lahat ng naganap
Saksi ang langit sa ikalawang yugto

Lumiyab ka
Lumiyab ka

(Sa ngalan ng katotohanan) Lumiyab ka
(Sa ngalan ng iyong dangal)
(Ang puso at iyong isipan) Lumiyab, lumiyab
(Ialay mo sa Maykapal) Lumiyab